नेपालगन्ज : माघकाे महिना धार्मिक महिना हाे । तर, यहाँ धर्मका नाममा चन्दा असुली कर्ताहरु गुपचुप देखिएका छन । राप्तीनदी किनार सिधनियाघाटमा शवदाहगृह निर्माणकाे भाैकाल यतिबेला गुपचुप देखिएको हाे ।
ठुलै तामझाम र भाैकालका साथ गरिएको बैकुण्ठधाम महायज्ञबाट दान स्वरुप चन्दा असुली लक्ष्य अनुसार नभएपछि उक्त भाैकालले गति लिन छाेडेकाे छ ।
शुरुआती चरणमा ” रङ्गसियकाे बाघ जस्तै देखिएकाे बैकुण्ठधाम अहिले ओइलाएकाे ताेरीकाे पात जस्तै भएको छ ।”
व्यक्तिगत लाभ, राजनीति फाइदा र जग्गा दलालीकाे भित्री याेजनामा भज्जिएकाे शवदाहगृह निर्माणकाे भाैकाल अहिले अलपत्र देखिँदा भाैकालवादीलाई लाज भने पटक्कै छैन ।
राज्यले गर्ने काममा हस्तक्षेप गरेर राज्यका निकायलाई उपेक्षित गर्दै सेलिब्रेटी बन्ने दाउमा मच्चाइएकाे याे भाैकाल सेलाएसँगै यसका स्वघाेषित अभियान्ता पनि गुपचुप भएका छन ।
अहिले महायज्ञमा चन्दा दिएकाहरु पनि तनावमा छन । हचुवामा जाेशिदै लाखौं दान घाेषणा गरेकाहरु र यसरी भाैकाल मच्चाएर याेजना पूरा नगर्नेहरु बैकुण्ठधाम जान्छन जादैनन् त्याे त थाहा भएन, तर चन्दा असुली भने दुरुपयोग हुन हुँदैन ।
शवदाहगृहका लागि महायज्ञ पछि अहिलेसम्म कुनै पनि काम अघि बढेकाे देखिदैन । विगतमा केही जग्गा पाएकाे भाैकाल गरेपनि अहिलेसम्म यसका नाममा राप्ती किनारमा अलिकति पनि जग्गा व्यवस्थापन हुन सकेकाे छैन ।
डिपिआर बनाउने देखि अन्य कामकाे त कुरा छाेडाै अहिले स्वघाेषित भाैकालवादी नै तै चुप मै चुपकाे अबस्थामा देखिएका छन ।
यस बिषषमा केही दिनअघि बैकुण्ठधामका सचिव भनिएका मीनबहादुर मल्लसँग बुझ्न खाेज्दा उनले कुनै प्रतिक्रीया दिएनन । यसले पनि उक्त अभियानले गति लिन नसकेकाे सहजै अनुमान गर्न सकिन्छ ।
